حاضر سنة أولي حب

بقلم / هاني عبدالكريم يكتب حاضر سنة أولي حب

حاضر سنة اولى حب   بعد سنة كاملة مرت بجوارك حبيبتى شكرا انك كنتى جزء منها  - والله جزء امال بقيت الاجزاء فين انطق قول  -يا حبيبتى ابدا ... انتى كل حاجة ..... الله يخرب بيتك يا مارك -ومين مارك دة كمان يا اخوية  -لا ابدا دة واحد صاحبى متعرفهوش  -اة بحسب وبتشكرنى على اية فى السنة دى بقى  - على وقوفك جمبى طبعا  - يا اخوية اقف جمبك اية هوة انا بشوفك اساسا غير فى المناسبات والاعياد الرسمية وعيد الشرطة  - الله الله ماهو كلة عشانك ياروحى بعدين مانتى عملاهم على قلبك قد كدة وعمالة تشترى لبس ودهب مفكرتيش تشترى لية جوز شربات  -يا حبيبى معاية فلوسك فى امان فشر البنك الاهلى انما انا لو اشترتلك حاجة الفلوس كتر معاك وتبتدى تصيع والقاك يا اخوية ماسك التليفون بتكلم فى دى وفى دى  -يالهوى اعوذ بالله انتى بتحسبيها كدة  - طبعا انا لازم اشطبك اول باول كدة عشان عنيك ما تروحش كدة ولا كدة  - لية هوة انتى مش واثقة فية ولا اية  -يا اخوية بلا نيلة انتوا بتتمسكنوا لحد اما تتمكنوا  -لا يا شيخة بجد  - اة والله شوف انت كنت بتتعامل ازاى معاية فى الاول ودلوقتى ازاى  - ودة ازاى يعنى عشان مش واخد بالى  -مش واخد بالك ولا بتستهبل  - احيانا يعنى الاستهبال بينفع  -طب ابقى خلية ينفعك بقى  - يعنى محستيش بحبى ليكى فى السنة دى  - حاسة بس بقت كدة الحياة بقت روتين مفهاش مشاعر يا راجل البيت بالنسبة ليك لوكاندة من الشغل للنوم وهكذا فين ايام الخطوبة كنت بتكلمنى فى التليفون 400 مرة فى الساعة - وانتى عوزانى بقى اعمل كدة دلوقتى  -ومالة يعنى اما تعمل كدة يعنى بص على تليفونك كدة شوف بتكلمنى كام مرة فى اليوم  -يا سلام يا حبيبتى مش بكلمك قبل ما اطلع اسألك عاوزة حاجة ولا لاء  - يا فرحتى يا اخوية قال يعنى بتتصل تتطمن علية ولا حتى تقولى وحشتينى  - يا خرابى على دماغ الحريم اللى تودى فى داهية والله لو قتلك صوابعى العشرة شمع برضة مش هيعجبك  -يا اخوية وعشرة لية خليهم حداشر  - لية يا ستى ناقصك حاجة  - اة ناقصنى انت مش موجود معاية طول اليوم - طب اقعد من الشغل عشان ارضيكى يعنى - لاء طبعا ما قولتش كدة بس مش كل حياتك شغل يعنى مش انت بس كل الرجالة المتجوزين بيعملوا زيك  - دة انتى ناوية تخطبى بقى قولى ياست  - طبعا ما انتوا معندكمش دم محسسين ستاتكوا انهم حاجة موجودة فى الشقة وخلاص مفيش اهتمام مفيش حب مفيش دلع الحياة مش شغل وتوفير طلبات وخلاص قلبتوها روتين الله يخرب بيتكم جميعا  - تصدقى انك ست ظالمة  - ظالمة لية قولى بطلب نخرج محتاجة احدد ميعاد مع سيادتك ولو فية مناسبة لازم اقولك قبلها باسبوع لية ياعم  - يعنى انتى معترضة ع السنة دى  -لاء طبعا كل حاجة فيها الكويس والوحش بس حبيت اظهر الاخطاء الاول عشان نقدر نصلحها سوا لكن انت حبيبى وروحى وقلبى وربنا يخليك لية فين هدية راس السنة بقى وحلاوة المولد  - منين يا حبيبتى الخطة بتعتك ناجحة وتسلم ايدك جيوبى انظف من الصينى بعد غسيلة  -يا لهوى مش معاك فلوس امال العلاوة اللى قبضتها راحت فين -قولى بقى بتسألى ع العلاوة امشى من قدامى اجرى روحى جهزى الاكل  - اكل اية النهاردة انت عازمنى برة  - انا يا ست انتى عزمتك - لاء طبعا اهو رمى بلاء والسلام وربنا يخليك لية  - خلاص قومى البسى  - اموووووواة بحبك