كلمات الشاعر : خالد هرواش / المغرب
شمعـــــــــة مجروحـــــــــــــة
في عشية ضاوية زارني باكي
دموعو في خدو ولسانو شاكي
شهيقو حنيون وهو يبدا يبكي
قطع قلبي وبدا يحكي
شنو جرا لو وشنو وقع لو
كانت فجأة وكانت صدمة
لما جاني بدون بسمة
هذي مدة واحنا في النعمة
واليوم جاني بهاذ الصدمة
وقالي ما جرا واللي طرا لو
كان كيقطف ليا مشموم
باش يهديه ليا في هاذ اليوم
والورد محبوب ماشي مشؤوم
لكن شوكو كيظهر مسموم
جرحو في صبعو وشطن بالو
صباعو شموع مرمية
ظفارها ضاوية كالعشية
وحبيبي مجروح اثر فيا
بناقص من الورد والهدية
كفاني صحتو وراحة بالو
وكانت جرحة بسيطة في يدو
لكن هي كبيرة عندو
خلات نارها في يدو وخدو
ياريت كانت في قلب العدو
عز عليا اش نعمل لو
حبيبي ما يستاهلش خبشة وحدة
او نفخة من الريح ولو باردة
حبيبي بنفسو هو وردة
وردة بيضا وخدودها حمرا
وردة فايحة وعيونها سودا
مسحت دمعو ولحست دم جرحو
محلل محرم ما كنفهمو
المهم عندي نخفف همو
بعيني نفديه في قلبي نضمو
ونسكن روعو ونهدي حالو
وتشرقت شمسو ويضوي ليلو
0 التعليقات:
إرسال تعليق