كلمات الشاعرة ضحي جبر
هوصف ايه
وهوصف ايه عن حبك
وملامحك وحضن عنيك
وناوية اغير الحانى
ومش هاكتب على الاوزان
ومش هستنى ع الفكرة
هطلعها
وتتحول لشعر قديم ف كتابى
واكون عاشقة كلام حضنك
واعزف بصوتك الدافىء
ونور الصبح بيهلل
قصاد عينى
وروح قلبى يحاوطنى
ف كل مكان
ومش هاكتب على الاوزان
واسيب القلب يكتبلك
يغنيلك
يقرب عمرى من عمرك
ومن جواك وف الشرايين
وتتغير معانى كتير على ايدك
وتبقى قصيدة مكتوبة بلون
قلبك
ويسرح ف الوريد نبضك
وتطلع نجمة فى سمايا
تمنى السهد جوايا
فأنسى القافية والاوزان
واكتبلك باحساس
واكتبلك
واكتبلك
واكتبلك
0 التعليقات:
إرسال تعليق