بقلم / هاني
عبدالكريم يكتب مرشح محتمل
فقط نعمل من اجل المصلحة معا نبني ونعمر يد بيد نقف
نواجة التحديات بعمق وتأمل لنصنع من الكومنت رسالة جادة النقد الساخر لنصنع فن ادبي
يتذوقة الاجيال من اجلكم ومن اجل وطننا الفيسبوكي عزمت الترشح لمجلس نواب الفيس بوك
القادم باذن الله من اجلكم .
نكتب ومن كلامكم نحظر فاقعدوا ساكتين انا ناجح ناجح الجمهور/ وتنجح ازاي بقي وانت راس الفساد هاني/ ههههههههه انا اول مرة بصراحة اعرف ان الفساد
لية راس بيتاكل دة الجمهور/ لا ياخفيف انت
متهم بافساد الحياة الفيسبوكية هاني/ معلشي
يا جماعة كانت ظروف حقكوا علية انا اسف تعالوا نفتح صفحة جديدة .
ابواسماعيل/ علية الطلاق انت راجل وسخ حسين/ انت مفكر بفلوسك هتنجح مديحة / بص يا قصير انت احترم نفسك وانسحب احسنلك هاني/ ههههههههه انتوا شعب عسل خالص مفيش حاجة تمنعني
القانون معاية والفلوس معاية محدش هياخد مني حاجة
طالب حقوق/ العيب مش عليك العيب ع القانون الاعور اللي خلي امثالك يتكلموا كدة هاني / هههههه روح يا حبيبي ذاكرلك كلمتين ابوك
بيتوجع منك الاسطي حسن/ وانت اللي زيك بيترشح
لية تاني اصلا هاني / فاضي بقي هتقول اية ام احمد/انت ياراجل انت محدش مالي عينك هاني/ بصراحة لاء بس بعد اما شوفتك عيني اتملت اية
التخن دة كلة الشيخ ابراهيم/ انت ازاي تجرؤ
تتكلم مع واحدة ست كدة قدامنا هاني/ بس يا
ارهابي بدل ما احبسك وانا واقف المعلم هندي/
بص بقي يا استاذ انا واقف من بدري وسايبك تهلفط بالكلام من الصبح لم نفسك احسن وربنا
احطك في الرمالة بتعت القهوة هاني/ هههههههه
ضحكتني والله دي فنجرة بق وحياتك .
المعلم هندي/
يعني الكلام مش عاجبك . طب خد . خد هاني/ اة
اة اة هحبسك والمصحف ام احمد/سيبهولي يا معلم
دة لازم ياخد بالشبشب هاني/ ياست الكل خليكي
محضر خير ام احمد / انا فعلا هعمل محضر بس
علي دماغك خد خد خد هاني / يا ست عيب ميصحش
مش عاوز امد ايدي عليكي الشيخ ابراهيم/ هل
نفعك مالك وبودي جارداتك يا بية هاني / هوة
فين البودي دة يا حج ما باظ خلاص ام احمد
/ سيبك منة يا شيخ ابراهيم انت بقي بتتريق علي تخني وديني لاقعد فوقك افطسك الجمهور/ هههههههههههههههههه هاني/ بتضحك علي اية يا اهبل انت وهوة اللي هيشيل
الست دي من فوقي هديلة الف جنية .
الشيخ ابراهيم/
الف جنية . ياست ام احمد ميصحش قومي الراجل هيموت
عاطل / قومي ياست انتي هوة انتوا كلكوا علي الراجل المعلم هندي / وسع يا ابني انت وهوة قوم يا بية
معلشي حقك علينا هاني/ متشكر قوي اتفضل الف
جنية عاطل/ لا مش هوة انا اللي شلتها عنك الشيخ ابراهيم/ وانت يا برشمجي قادر تصلب طولك انااللي
شلتها عنك المعلم هندي/ يلا يا جدع انت وهوة
من هنا الراجل قاعد معاية ع القهوة شوية عاطل
/ايوة عاوز تلهف الف جنية لوحدك المعلم هندي
/ ياض عيب الكلام دة الشيخ ابراهيم/ يا راجل
عيب اية احنا قاعدين مش هنمشي المعلم هندي
/ اخزي الشيطان وامشي من قدامي الساعة دي يا شيخ ابراهيم هاني/ ياعم قوم اضربة بس هاتلي حاجة ساقعة ع بال
ما تخلص وقامت المعركة وشرب المرشح الحاجة
الساقعة وروح بيتة واحنا لسة بنتخانق تفتكروا لية عشان كل واحد بيفكر في نفسة دايما
متباعدين مفيش هدف نتلم علية دي دعوة للمحبة والاتحاد وعدم التفرقة لتصحيح اخطاء مجتمعية
بسيطة تكلفنا كثير.
0 التعليقات:
إرسال تعليق