حــــوار الفـنــان هشـــــام
سليـم
حاورته
سامية عبدالقادر...
هشام
سليم..اشتراطي للبطولة فقط ان يكون العمل ذات
مضمون.
هشام
سليم....لست مليونيرا لأغامر بالانتاج السينمائي
هشام
سليم ..تقديمي للبرامج لااني احب بلدي
هشام سليم ضاع
حقي في زمن سادت فيه الكلاب الكبيرة ضربوني وتوهوا القضية لاانهم مسندوين من ناس كبيرة
بالدولة فنان يحترم فنه ونفسه فأحترمه جمهوره والده كروي له تاريخ
كبير كما قام بالمشاركة في بعض الافلام مثل فيلم الباب المفتوح والشموع السوداء هو
فنان له نظريته الخاصة في الفن لا يشترط البطولة رغم انه نجم بكل المقاييس يستحقها
الا انه يحب عمله ويحب ان يقدم الدور الذي يضيف له ويقدمه بشكل جيد امام جمهوره دخل
تجربة جديدة لتقديم البرامج ماذا عن تجربته كمقدم برامج سياسية ومارأيه في الحالة العامة
التي تسود البلاد الحوار مع الفنان المميز هشام صالح سليم.
اين
انت من الساحة السينمائية الآن؟
متسائلا هو فيه
سينما علشان اتواجد الحالة العامة للفن لااسف سيئة جدا وقد اثرت الحالة الاقتصادية
والامنية للبلاد عقب ثورة يناير علي السينما فالفن مثله مثل باقي المجالات التي تأثرت بها عقب الثورة ولكن اامل ان
تتحسن الاحوال واجد عمل سينمائي جيد انا بحب السينما جدا وان كنت اطرح تساؤلي من
خلالكم لصناع السينما انتم فين وياريت تجوبوني
ليه مابشتغلش.
وماذا
عن الدراما التلفيزيونية هذا العام الا من جديد تعده لرمضان 2014؟
مسلسل جديد مع
مخرج مميز اصور دوري لكن لااحب الكلام عن العمل قبل مشاهدة الجمهور له.
هل لك
شروط معينة تفرضها عند عرض اعمال عليك فتشترط البطولة لهذا انت مقل؟
انا لااشترط البطولة
في أي عمل يعرض عليه انا احب العمل الجيد وهو الذي يستفزني الدور ممكن دور يكون مشاهده
قليلة ولكنه دور بيقول حاجة وطالع منه اداء وانفعالات وبيقدم مضمون للناس ده لا يمكن
اتركه وحكاية البطولة عمري مااشترطها من بدايتي ولكن اي عمل اقدمه هو بطولة قدمت بطولة
في بدايتي الابن الضال وايضا قبل هذه المرحلة في امبرطورية ميم اعتبرت دوري بطولة رغم اني كنت صغيرا جدا لكن الدور كان
مؤثرا واذا طلع الدور من الفيلم كان افقده كثيرا
هل من
الممكن ان تقدم علي تجربة الانتاج حتي تقدم الدور الذي تفضل تقديمه ولا يعرض عليك؟
لاء انا لا اقدم
علي تجربة الانتاج لعدة اسباب اولها الانتاج مكلف جداوانا لست مليونيرالااقدم هذه التجربة
ثانيا انا فنان احب اتخصص في شغلي فقط ولااشتت نفسي بأمور لااعرف عنها شئ فالانتاج
امر ليس سهلا كما ان الانتاج بيحتاج توزيع وهتفضل تشوف انسب وقت لعرض الفيلم
امته وكمان المنتجين هيقولوا ده بياخد الناس اللي معانا ويشغلهم
معاه ومسائل كثيرة هتدخل فيها وانا لااحبها احب فقط عملي كممثل.
هل جربت
ان تطلب من مؤلف يكتب لك عمل او تطلب من منتج اومخرج
تحبذا العمل معه انك محبب العمل
معه؟
لاء عمري ماعملت
ده ومقدرش اعمله لاان هذا الطلب يحتاج تنازلات وانا ارفض التنازلات في عملي لم يبقه
فيه قوانين تحمي الممثل والمنتج والمخرج ممكن نفكر في هذا لكن بلد بقالها ستين سنة
بتعاني من سوء احوال امته هتنهض وتصلح من نفسها في يوم لاء محتاج ده سنين علشان كلنا
نعيد حساباتنا والناس تراعي ضمائرها في اعمالها..
هل انت
غضبان علي الحالة الفنية في مصر؟
لاء مش غضبان لكن
حابب ان بلدي تكون احسن من كده لااسف بلدنا بقالها سنين خربانه وفيه مصالح بتتمركز
عند ناس بعينها ومانقدرش نفرق الفن عن باقي المجالات في مصر فكلها منظومة واحدة تحتاج
اصلاح .
حضرتك
مع الانتخابات الرئاسية اولا اما البرلمانية؟
برلمانية اولا
رئاسية سبقتها مش مهم المهم اننا جميعا نشتغل
لو فضلنا واقفين بهذا الشكل ونبص ورانا وكل
واحد باصص فقط لمصلحته الشخصية هنرجع كثير للوراء لازم نكمل المشوار نشتغل مناقفش ومنخافش
ونحب بلدنا بصوق ونحط ايدينا مع بعضنا بحب ونتعاهد بالخير نبني البلد ديه مصر تستحق
مننا كل خير..
كلمنا
عن تجربة تقديم البرامج وتجربة برنامجك علي سكاي نيوز؟
هي كانت تجربة جديدة احببتها ممكن كنت متردد شوية الآول
لكن بعد كده وجدتها تجربة ممتعة جدا وان المجال الاعلامي مغري جدا
هل جربت
مرة تقدم وجهة نظرك اما التزمت بأن تكون محايد وتستقبل وجهتي نظر ضيوفك؟
طبعا الوضع بيكون
مختلف لم بكون ضيف وبعبر عن وجهة نظري ولم بكون مقدم البرنامج وبطرح قضية لازم اكون
موضوع واستقبل وجهتي نظر ضيوفي والتزم الحياديه وكل كلمة محسوبة عليك
ماتعيبه
في بعض البرامج التوك شو؟
ان كل واحد بيتكلم
زي ماهو عايز والكلام مالوش عدد عندهم ومحدش لااسف بيحاسبهم ياريت الكلام كان بفلوس
كامنوا دفعوا هؤلاء فواتير كثيرة من الضيوف ومن مقدمي بعض البرامج.
ماهو
اول قرار ستتخذ لو عينت وزيرا لااعلام؟
ماأحبش اكون وزير
في اي مجال ولا اعلام ولا غيره اكتفي اكون مواطن كما انا ملتزم لكن اتمني ان اجد حقوقي
التي لااسف تاهت حقوق كثيرة للناس وسط المهازل التي نراها من رجال لااسف مازالوا يتمسكون
بالسلة ويعتبرون انفسهم فوق القانون.واتمني ان يكون لدينا شعب مسئول وملتزم .
مارأيك
في القنوات التي تستضيف بعض ضيوفها كتصفية حسابات من انظمة سابقة اوشخصيات ما اوتحاول
تعطي وجهة نظر ما للمشاهدين توجيه اعلامي؟
ده مرفوض طبعا
وده مالوش اي صلة بالاعلام لكن ممكن يكونله اسم اخر الاعلام المفترض انه يوضح الصورة
للمشاهدين كما هي بدون تجميل او تزيف
هل كنت
تفضل تقديم برنامج فني اخف من برنامج السياسي ؟
لاء انا حابب جدا
البرنامج لاانه بيطرح قضاياي بتهم الناسوده محتاجنله دلوقتي جدا اما البرامج الفنية
الخفيفة لها اصحابها لكتني احب البرامج الثقيلة اللي بتقدم هدف للناس.
حضرتك
اللي بتختار موضوعات البرنامج وضيوفك؟
لاء القناة بتضع
الموضوع وبتحدد الضيوف طبعا ده بالمشاورة معي وبنحضر الموضوع ونطلع نطرحه علي المشاهدين
ماذا
لو حدث ووجدت ضيفي برنامج بيشتبكوا مع بعض ماذا سيكون تصرفك؟
بذكائك هل تطلب فاصل ام
تطرد الضيوف ام تترك البرنامج وتروح؟
لاء بحاول اعالج
الموقف بهدوء وده حصل بالفعل معي في احد الحلقات دون الكلام عن من هم الضيوف واتخنقوا
بشكل كبير وحاولت اهديهم معرفش البعض شافه ذكاء مني ولا لاءه المهم عالجنا الموقف لكن
ارفض اترك البرنامج او طرد الضيوف لكن ممكن نطلب فاصل الي ان نهدأ الضيوف ونصلح الموقف.
بعض
الاعلامين يحاولوا صنع اشتباك بين الضيوف محاولة منهم لجذب شو اعلامي
وايضا لجذب اعلانات
اكثر ؟
ارفض هذا لاان
الشو الاعلامي يكون لازم نابع من طرح القضية نفسها لا باستغلال الضيوف في وضع اشتباك
لماذا
اخترت السكن بعيدا عن المدينة؟
لاننـي
كنت ابحـث عن الهــدوء
اخذت فيلا صغيرة
في الطريق الصحرواي لكن للأسف وجدت مشكلة كبيرة
وهي ان فيه بعض السكان بجانبي بيتركوا الفيلال اللي بيقطونها ويذهبوا للمدينة ويغلقوها
ويتركوها وبها الكلاب ما بتنايمنش طول الليل واشتكينا لااصحاب المكان لم حضروا ياخدوا
كلابهم او يقعدوا في المكان او يكون فيه ناس حارسين مع هذه الكلاب ماتقعدش تتعبنا بصوتها
طول الليل لكنهم قاموا بالاشتباك معي وجابواناس ضربوني وانا طالع من المسجد بعد الصلاة
ضربوني وعملت محضر واصبحت قضية ولها اربع سنين بالمحاكم ومحدش سمع عنها حاجة بسبب ان
قريب هذه الفيلا يقرب لمسئول كبير حاول يربك
القضية ويضلل العدالة ولي حق ضاع بسبب ان فيه ناس لسه بتعيش في عباءاة الماضي وانهم
يقربون لمسئوليين كبار ولااسف فيه قضية بقالها سنين بالمحاكم ولم ااخذ حقي لأن صاحب
الفيلا اللي عنده الكلاب المعتدي عليه عنده كلاب اكبر حاولوا قتل الحقيقة وتمويت القضية
حتي لأخذ حقي.
0 التعليقات:
إرسال تعليق