كلمات الشاعر / #حماد_الخاطري النعيمي
قصيدتي
لصاحب سمو #الشيخ_محمد_بن_زايد #آل_نهيان
سيف الوالد خليفه ، والاخ والصديق ، والقائد لأبناء شعب الامارات الطيب.
١- إدراك القصد ... للعقل امعدوم
إن كان الـرأي ... للجاهل مــآلـه
٢- حياة ٍ بين ... أقدار ... وقسوم
وطالبنا الـتــفكـر ... ذو الجلاله
٣- نجد ونبذل ... أقصى ما نروم
وهدفنا نقبض الطيب وخصاله
٤- فلا نلحي ... دهرنا بالـوصـوم
وفــاز ... اللي على المولى اتكاله
٥- وحن عن معتقدنا ... ما نحوم
أعزاز ... ولا ادعينا .... بالكماله
٦- وإذا جتنا من ... الحاقد نقوم
بحلـم نرد ... ونـجـيـد الـمقـاله
٧- فلا كل الرجال ... ابها فهوم
ولا كل الدروب ... ابها سهاله
٨- ولا كل الاسفار ... ابها علوم
ولا كل الاشعار ... ابها جزاله
٩- ولا كل كف ... لك مدة دسوم
ولا كل سيف ... تلجى في ظلاله
١٠- ولا كل شيخ ٍ .. دين ٍ بمعصوم
ولا كل اللحى .... فيها نفاله
١١- ولا كل مزن ... هطال ٍ سجوم
ولا كل عشب ينفع من مشى له
١٢- ولا كل ناقد ٍ ... قصده امحشوم
ولا كل شاعر ٍ ... واسع خياله
١٣- عسى بعض المجلس ما تقوم
إذا خليت ... من السنوع الصـمـاله
١٤- بها يـرمـي .... مخازيه النموم
وعسى من خـذ بقوله في رذاله
١٥- مــلامي ع الأصيل ... يزيد لوم
إذا اغتابوا خويه ... وارتضى له
١٦- عسى يا مجلس الجودة نعوم
مقر الطيب ... يسعد من عناله
١٧- يـعـز اللي انتخى عند اللزوم
ولا يدخل مجال ... إلا مجاله
١٨- ينال الــقـصد بالقلب الكـتـوم
ويدعي الحاسدين ... بسو حاله
١٩- فمن يدرك ... لأجداده رسوم
فلو شان الدهر ... تظهر أفضاله
٢٠- ومن يبغي الثنا .. بعزمه يـزوم
وإذا شاور ... قصر عن فعل آله
٢١- فمن هو كتب فى الدنيا محروم
يعيش ولو بغى له ... من بغى له
٢٢- ومن هو له كتب رزق امحتوم
يناله لو غدوا ... العالم اعدا له
٢٣- فلا في ردعة ... الظلام شــوم
وحسن الظن ... في الحاقد هباله
٢٤- ولــزوم إن كان ما تلقى ولوم
هدفك يضيع ... ما يحصل مناله
٢٥- نـدم مـن ناقش اللي ابلا حلوم
حسود المرء ... من يعمل أعماله
٢٦- تلاقي فى البشر دايم ذموم
لغيره ولا درى .... بخافي أحواله
٢٧- ظلوم الوقت وأصحابه ظلوم
وما اكثر ظلمهم ... لاهــل الشكاله
٢٨- فكم ٍ مبدع ... بوقته يسوم
ويوم ٍ مات ... شادوا في أفعاله
٢٩- فلا يخلو ابنادم من خصوم
وحـتـى الانبيا .... وأهـل العداله
٣٠- وكثير ... اللي مع غيره يزوم
مع التيار لا يعرف ... ولا له
٣١- ومن يثني على شهم ٍ كـضـوم
عدوه صار .... من يبغي زواله
٣٢- مسار بدون .. أهداف ٍ وهــوم
ويتعب كل من ... يحمل رساله
٣٣- كريم الشجر يحذف كل يوم
وعديم الثمر ... ما حـــد ٍ سعى له
٣٤- ومن في ظنه .. الشدة تدوم
ضعيف إيمان ... عقله في جهاله
٣٥- فلا تخلو ... الدياجي م النجوم
ولا تخلو النجوم ... مْن الدلاله
٣٦- ولا تخلو الديار من القروم
ولا تخلو القروم .... من الجماله
٣٧- كريم الاصل بالطيب محكوم
عساه بخير ... ما يغتث .... باله
٣٨- لزيم الطيب ... ما هو بالغدوم
ويجود الاجودي ... ْمن خْيار ماله
٣٩- لحمل الثقل ... ما تلقى جزوم
يا غير اللي نفل .. جده ... وخاله
٤٠- ومديح بغير ... أهله م الوثوم
يعود ... اللي يقوله ... بالفشاله
٤١- عسى أن أهل الوفا دايم سلوم
ولا يلجون عند ..... أهل الخماله
٤٢- ولا ينخون ... غير أهل السلوم
معاطيهم خفى ... جود ... وبساله
٤٣- وهذي عادة .. الشهم العزوم
فبو خالد ... ملاذ لمن ... شكى له
٤٤- حباه الله ... بفؤاد ... ورحوم
للشعب ٍ أكّد ... بفعله الولا له
٤٥- فمن جــرّبه عن قرب ٍ لـــزوم
يزيده حمد .... ويزيد ... الدعا له
٤٦- فمثله ما .. يعيش إبلا هموم
ما دام الناس ... يحسبهم عياله
٤٧- سميدع ... ما يضيع لليموم
ويهقي لشي ... غيره ما هقى له
٤٨- ولا يقيس الرجولة بالجسوم
خبير ٍ فى المعاني .... والاصاله
٤٩- ولا يخلط النوادر بالرخوم
يعرف النرم ... والسيف السلاله
٥٠- عظيم الشان من هامات قوم
عسى انه دوم محظوظ برجاله
من شعر #حماد_الخاطري النعيمي
0 التعليقات:
إرسال تعليق