يقــول من بالعـــــرف ... يبـــدع نظيمـــــه
كلمات الشاعر / #حماد_الخاطري النعيمي
يقول من بالعرف
... يبدع نظيمــــه
ما هوب متولع
... ولا هوب مغموم
ما ينظر ... الدنيا
.... بنظرة سقيمــه
ولا ضاقت الدنيا
... على وافي سلوم
الطيب ما يطرب
... محب الظليمــه
والجور ما يفرح
... كريم ٍ وشغموم
يا دار لولا
... بك كرام الشكيمــــــه
يا دار ما قرّيت
... بك لو ربع يــوم
أنا نصيح ....
اللي يدور ... الغنيمه
عن مجلس أنذال
الملا يبعد الحــــوم
من ضاع جهده في
الوجوه الكريمـــه
فلا يصيبه باس
وإن ضاع فى رخوم
ولي ما انجذب لك
بالوفا من صميمه
ما يفيد فيه عتاب
ويعزّك ... حلـــوم
واللي حرمه اللـه
... من كل شيمــــه
يبور في الاجواد
... ويعيش محروم
عتبي على ... أهل
العقول السليمــــه
اللي تحط النذل
ع الناس قيـــــــــدوم
والمستشار إن صار
... معدوم قيمه
بعيد عنه العدل
... وربوعه ... نموم
والشاعر اللي شبع
... غدر وظليمــــه
من وين ياتي بغزل
... والحب معدوم
العشق مع بعض
... الخلايق جريمـــه
ما من وراه إلّا
.. الفضيحة مع الشـوم
من قارب ... العاثر
عثر ... بالنقيمـــه
ومن قارب الخيّر
... جلا عنْه لهموم
وش نيلته غير الشنا
... والشتيمــــــه
من كابر أعلم منه
... من حقد مسموم
بيت الكرم يبقى
في عز وحشيمـــــــه
إذا ورثوه أحرار
... ويهدّه ... البوم
والبوم من قاربه
... شاف الهضيمـه
والحر من خاواه
... ما بات مضيوم
0 التعليقات:
إرسال تعليق